(有片)情人節甜品篇 - 冰花大菜糕

情人節啲個咁sweet既日子到啦，

除左可以整朱古力外，仲可以整其他甜品，

所以我今日就整一個我老公好鐘意食既大菜糕！

唔想睇字可以睇片丫！仲易明！

材料：

水 800ml

大菜絲 25g

幾舊冰糖 (可以睇自己喜好，想甜啲就放多點)

蛋 (兩隻)

先將水煲滾，然後放入大菜絲，

等大菜絲溶溶地既時候，就可以加入冰糖，

係等緊既同時，

我們可以打兩隻蛋備用！

見到大菜絲溶哂既時候就可以試一試味，

如果味道ok，就可以加蛋，一路加一路攪拌，

再煮多陣，就可以熄火架啦！

嘆凍後就可以放入玻璃瓶，

包好保鮮紙放入雪櫃雪兩個鐘就食得架啦！

希望大家喜歡我今次分享！

Cayin也是第一次寫煮嘢食blog.哈哈！

係到祝大家情人節快樂！

---------------------------------------------------------------

***加入Cayin的Facebook專頁~

Cayin